Bhagavad Gita Chapter 10 Shlokas:
Bhagavad Gita Chapter 10 Shlokas in Telugu :
అథ దశమోஉధ్యాయః | విభూతి యోగః |
శ్రీ భగవానువాచ |
భూయ ఏవ మహా బాహో శృణు మే పరమం వచః |
యత్తేஉహం ప్రీయమాణాయ వక్ష్యామి హిత కామ్యయా || 10- 1 ||
న మే విదుః సురగణాః ప్రభవం న మహర్షయః |
అహమాదిర్హి దేవానాం మహర్షీణాం చ సర్వశః || 10- 2 ||
యో మామజమనాదిం చ వేత్తి లోక మహేశ్వరమ్ |
అసంమూఢః స మర్త్యేషు సర్వపాపైః ప్రముచ్యతే || 10- 3 ||
బుద్ధిర్ఙ్ఞానమ సంమోహః క్షమా సత్యం దమః శమః |
సుఖం దుఃఖం భవోஉభావో భయం చాభయమేవ చ || 10- 4 ||
అహింసా సమతా తుష్టిస్తపో దానం యశోஉయశః |
భవంతి భావా భూతానాం మత్త ఏవ పృథగ్విధాః || 10- 5 ||
మహర్షయః సప్త పూర్వే చత్వారో మనవస్తథా |
మద్భావా మానసా జాతా యేషాం లోక ఇమాః ప్రజాః || 10- 6 ||
ఏతాం విభూతిం యోగం చ మమ యో వేత్తి తత్త్వతః |
సోஉవికంపేన యోగేన యుజ్యతే నాత్ర సంశయః || 10- 7 ||
అహం సర్వస్య ప్రభవో మత్తః సర్వం ప్రవర్తతే |
ఇతి మత్వా భజంతే మాం బుధా భావసమన్వితాః || 10- 8 ||
మచ్చిత్తా మద్గతప్రాణా బోధయంతః పరస్పరమ్ |
కథయంతశ్చ మాం నిత్యం తుష్యంతి చ రమంతి చ || 10- 9 ||
తేషాం సతత యుక్తానాం భజతాం ప్రీతి పూర్వకమ్ |
దదామి బుద్ధి యోగం తం యేన మాముపయాంతి తే || 10- 10 ||
తేషామేవాను కంపార్థ మహమఙ్ఞానజం తమః |
నాశయామ్యాత్మ భావస్థో ఙ్ఞాన దీపేన భాస్వతా || 10- 11 ||
అర్జున ఉవాచ |
పరం బ్రహ్మ పరం ధామ పవిత్రం పరమం భవాన్ |
పురుషం శాశ్వతం దివ్య మాదిదేవమజం విభుమ్ || 10- 12 ||
ఆహుస్త్వామృషయః సర్వే దేవర్షి ర్నారద స్తథా |
అసితో దేవలో వ్యాసః స్వయం చైవ బ్రవీషి మే || 10- 13 ||
సర్వమేతదృతం మన్యే యన్మాం వదసి కేశవ |
న హి తే భగవన్వ్యక్తిం విదుర్దేవా న దానవాః || 10- 14 ||
స్వయమేవాత్మనాత్మానం వేత్థ త్వం పురుషోత్తమ |
భూత భావన భూతేశ దేవ దేవ జగత్పతే || 10- 15 ||
వక్తుమర్హస్య శేషేణ దివ్యా హ్యాత్మ విభూతయః |
యాభిర్విభూతిభిర్లోకాని మాంస్త్వం వ్యాప్య తిష్ఠసి || 10- 16 ||
కథం విద్యామహం యోగింస్త్వాం సదా పరిచింతయన్ |
కేషు కేషు చ భావేషు చింత్యోஉసి భగవన్మయా || 10- 17 ||
విస్తరేణాత్మనో యోగం విభూతిం చ జనార్దన |
భూయః కథయ తృప్తిర్హి శృణ్వతో నాస్తి మేஉమృతమ్ || 10- 18 ||
శ్రీ భగవానువాచ |
హంత తే కథయిష్యామి దివ్యా హ్యాత్మవిభూతయః |
ప్రాధాన్యతః కురుశ్రేష్ఠ నాస్త్యంతో విస్తరస్య మే || 10- 19 ||
అహమాత్మా గుడాకేశ సర్వభూతాశయస్థితః |
అహమాదిశ్చ మధ్యం చ భూతానామంత ఏవ చ || 10- 20 ||
ఆదిత్యా నామహం విష్ణుర్జ్యోతిషాం రవిరంశుమాన్ |
మరీచిర్మరుతామస్మి నక్షత్రాణామహం శశీ || 10- 21 ||
వేదానాం సామవేదోஉస్మి దేవానామస్మి వాసవః |
ఇంద్రియాణాం మనశ్చాస్మి భూతానామస్మి చేతనా || 10- 22 ||
రుద్రాణాం శంకరశ్చాస్మి విత్తేశో యక్షరక్షసామ్ |
వసూనాం పావకశ్చాస్మి మేరుః శిఖరిణామహమ్ || 10- 23 ||
పురోధసాం చ ముఖ్యం మాం విద్ధి పార్థ బృహస్పతిమ్ |
సేనానీనామహం స్కందః సరసామస్మి సాగరః || 10- 24 ||
మహర్షీణాం భృగురహం గిరామస్మ్యేకమక్షరమ్ |
యఙ్ఞానాం జపయఙ్ఞోஉస్మి స్థావరాణాం హిమాలయః || 10- 25 ||
అశ్వత్థః సర్వవృక్షాణాం దేవర్షీణాం చ నారదః |
గంధర్వాణాం చిత్రరథః సిద్ధానాం కపిలో మునిః || 10- 26 ||
ఉచ్చైఃశ్రవసమశ్వానాం విద్ధి మామమృతోద్భవమ్ |
ఐరావతం గజేంద్రాణాం నరాణాం చ నరాధిపమ్ || 10- 27 ||
ఆయుధానామహం వజ్రం ధేనూనామస్మి కామధుక్ |
ప్రజనశ్చాస్మి కందర్పః సర్పాణామస్మి వాసుకిః || 10- 28 ||
అనంతశ్చాస్మి నాగానాం వరుణో యాదసామహమ్ |
పితూణామర్యమా చాస్మి యమః సంయమతామహమ్ || 10- 29 ||
ప్రహ్లాదశ్చాస్మి దైత్యానాం కాలః కలయతామహమ్ |
మృగాణాం చ మృగేంద్రోஉహం వైనతేయశ్చ పక్షిణామ్ || 10- 30 ||
పవనః పవతామస్మి రామః శస్త్రభృతామహమ్ |
ఝషాణాం మకరశ్చాస్మి స్రోతసామస్మి జాహ్నవీ || 10- 31 ||
సర్గాణామాదిరంతశ్చ మధ్యం చైవాహమర్జున |
అధ్యాత్మవిద్యా విద్యానాం వాదః ప్రవదతామహమ్ || 10- 32 ||
అక్షరాణామకారోஉస్మి ద్వంద్వః సామాసికస్య చ |
అహమేవాక్షయః కాలో ధాతాహం విశ్వతోముఖః || 10- 33 ||
మృత్యుః సర్వహరశ్చాహముద్భవశ్చ భవిష్యతామ్ |
కీర్తిః శ్రీర్వాక్చ నారీణాం స్మృతిర్మేధా ధృతిః క్షమా || 10- 34 ||
బృహత్సామ తథా సామ్నాం గాయత్రీ ఛందసామహమ్ |
మాసానాం మార్గశీర్షోஉహమృతూనాం కుసుమాకరః || 10- 35 ||
ద్యూతం ఛలయతామస్మి తేజస్తేజస్వినామహమ్ |
జయోஉస్మి వ్యవసాయోஉస్మి సత్త్వం సత్త్వవతామహమ్ || 10- 36 ||
వృష్ణీనాం వాసుదేవోஉస్మి పాండవానాం ధనంజయః |
మునీనామప్యహం వ్యాసః కవీనాముశనా కవిః || 10- 37 ||
దండో దమయతామస్మి నీతిరస్మి జిగీషతామ్ |
మౌనం చైవాస్మి గుహ్యానాం ఙ్ఞానం ఙ్ఞానవతామహమ్ || 10- 38 ||
యచ్చాపి సర్వభూతానాం బీజం తదహమర్జున |
న తదస్తి వినా యత్స్యాన్మయా భూతం చరాచరమ్ || 10- 39 ||
నాంతోஉస్తి మమ దివ్యానాం విభూతీనాం పరంతప |
ఏష తూద్దేశతః ప్రోక్తో విభూతేర్విస్తరో మయా || 10- 40 ||
యద్యద్విభూతిమత్సత్త్వం శ్రీమదూర్జితమేవ వా |
తత్తదేవావగచ్ఛ త్వం మమ తేజోంஉశసంభవమ్ || 10- 41 ||
అథవా బహునైతేన కిం ఙ్ఞాతేన తవార్జున |
విష్టభ్యాహమిదం కృత్స్నమేకాంశేన స్థితో జగత్ || 10- 42 ||
ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే
విభూతియోగో నామ దశమోஉధ్యాయః || 10 ||
Thank you for watching Bhagavad Gita Chapter 10 Shlokas
Please watch to Bhagavad Gita Chapter 9 Shlokas in Telugu